ZALEN January 5, 2026: Lawngtlai Bawrhsap Donny Lalruatsanga chuan vawiin khan a Office Chamber-ah Chanchinbu mite a kawm a, hri avanga ramri khar mek chu January 11, 2026 atangin hawn theih a nih a beisei thu a tarlang.

Donny Lalruatsanga chuan Kum tharah Lawngtlai khawpui hmasawnna tur kawng hrang hrang duan mek a ni, a ti a. A bik takin Traffic chungchangah hmalakna lian tham tak neih tum niin, Foreigner chungchangah inkhuahkhirhna felfai zawk siam a, State sawrkarah theihluh a nih tur thu a sawi. 

Bawrhsap chuan Faina kawnga Lawngtlai khawpui chhung veng inelna 'Bawrhsap Award' chu kumin Republic Day - ah sem a nih tur thu a tarlang a. Project lian zawk siam a hmalakna turah - Cheural Tlâng (Khaw za lang tlang) Paithar Tlâng, Ditlang hming put chhan Dîl te hmachhawpah dah a nih thu a sawi a. Ramri khar mek chungchangah natna a darh lohna tur a nih thu sawiin, inkaihhruiana felfai tak siamin January 11, 2026 atanga hawn theih a nih a beisei thu a tarlang bawk.

Sr. Superintendent of Police PC Lalchunglura, chuan hunpui laiah Dan leh thupek kenkawh kawngah harsatna lian tham a awm loh thu a tarlang a. NGO - te nen a thawhhonna tha tak a awm tih tarlangin, hunpui laiah case- 4, chiah ziah luh a ni, a ti. Kum 2025 chhungin case- 65, ziah luh a nih thu tarlangin, kum 2024 aiin case hi a tlahniam a ni, a ti a. Operation Jericho- kalpui vang te, NGO leh MJA te nen a thawhhona tha avang a case ziahluh ngai a tlem zel a beisei thu tarlangin thawhhona tha zawk awm turin a sawm nghal a ni.