ZALEN June 11, 2023 : Dan kalha kuhva ro lak luh an vaina kawngah Champhai Custom leh Assam Rifles te thawk dun chuan Zote, Ruantlang, Tlangsam, Champhai district-ah Kuhva ro Rs nuai 13.44 man an man a, hemi kaihhnawih-ah hian mi pakhat June 8, 2024 khan man a ni.

Kuhva ro man tuma hma an lakna Tlangsam-ah hian mi pakhat chuan hriamhrei hmangin Assam Rifles leh Custom te chu a lo hmachhawn a, mahse, a chemte ken chu chhuhsak a nih hnuah amah hi an man zui ta a ni.

A hma pawhin hetianga hma an laknaah hian tharum thawhna hmanga beih an lo tawk fo tawh a, an duty na hmunte tih chhiat sak niin sairawkherha perhte pawh an lo tawk tawh a, lungawilohna te pawh duty te hi an lo tihlan khum tawh bawk a ni.