Aizawl: Hmar Students Association chuan nimin khan I&PR Auditorium-ah an din champha vawi 76-na lawmna hun an hmang a, R.Vanalalvena,ZOHANDCO Chairman leh MLA ni bawk chuan khuallian niin a hmanpui. R.Vanlalvena chuan, ngaihsan tur dik ngaihsanna chang hriat chu Mizoram in a mamawh thu sawiin, "Puitling zawk ten ngaihsan tur dik ngaihsanna chang kan hriat a, ngaihsan loh tur kan ngaihnep chuan kan fate hian kan hnung zuiin ngaihsan tur dik tak chauh an ngaisang dawn a ni," a ti. R.Vanalalvena chuan, hun vawn dik leh hman thiam kawngah Mizo ten zir tur kan la ngah thu sawiin, "Khawvela mi ropui te nen nikhat hun kan neih zat hi a in ang reng a,hun an hman thiam avanga thil ropui tak tak an tihte hi keini pawh hian kan hman thiam chuan kan ti thei a ni,"tiin a sawi bawk.