Aizawl: Mizoram Board of School Education chuan Zirtawpni kalta khan High School Leaving Certificate leh Higher Secondary School Leaving Certificate result a tichhuak. Result tihchhuah takah hian HSLC ah chuan exam mi 304 awmin 257 in an pass a, fail 47 awmin pass percentage hi 84.51% a ni. Tihian a pumpuia chhutin kumin 2018-a HSLC exam zawng zawng chu mi 17695 niin pass 13841 an awm a, fail 3854 awmin pass percentage hi 78.22% a ni. HSSLC-ah hian exam 11802 awmin pass 9619 leh fail 2183 an awm a, pass percentage hi 81.50% a ni. HSSLC Arts ah hian exam 112 an awm a, Science-ah 38, Commerce-ah 5, Vocational 18, Computer 5, Medical laboratory 3, Horticulture 1, Garment 2 leh Automobile Engineering 6 ten an exam a ni.