ZALEN April 29, 2026 : Mizoram Board of School Examination (MBSE) hnuaia Higher Secondary School Certificate (HSSLC) 2026 result chhuakah Arts-ah candidate 100% pass nei school 64 an awm a, Science-ah 14 awmin Commerce-ah school 16 an awm bawk.

Arts-ah hian candidate 100 chuang nei 100% pass nei pathum an awm a, chung school te chu - candidate 106 nei Greenland Higher Secondary School ; zirlai 160 nei Mount Carmel School leh zirlai 126 nei St. Pauls Higher Secondary School, Aizawl te an ni. Candidate 343 nei tam ber Govt. Mizo Higher Secondary School atangin zirlai 301 an pass a, he stream bikah pass an ngah fal. Arts bikah hian zirlai 100 chuang nei school an thahnem hle.

Science-ah hian zirlai 100/200 chuang nei school an zirlaite 100% pass pui thei an awm lo a, Government Chaltlang Higher Secondary School chu 100% zirlai pass nei zinga zirlai ngah ber niin an zirlai 71 te an pass, Oikos Higher Secondary School, Tuikhuahtlang zirlai 63 te chu an pass vek bawk. 

Science bikah hian school zirlai 100/200 chuang nei zingah 100% pass lo te chu - Don Bosco Higher Secondary School, Siaha 96/107, Mount Carmel School 206/207, Greenland Higher Secondary School 146/148, Dawrpui School of Science & Technology 96/102, St. Joseph Higher Secondary School 203/205, Synod Higher Secondary School 115/124, St. Pauls Higher Secondary School 215/216 te an ni. Govt Mizo Higher Secondary School hian 70/82 pass an nei.

Commerce-ah 100% pass nei school 16 an awm a, zirlai 100 nei tling school an awm lo a, zirlai 50 chunglam nei school paruk zingah St. Joseph Higher Secondary School chu an zirlai 65 te an pass kim a, Zirlai 51 nei Oikos Higher Secondary School te an pass kim zirlai bawk. Zirlai 50 chunglam nei school paruk te dinhmun chu : Govt Mizo Higher Secondary School - 70/75 ; St. Pauls Higher Secondary School - 61/63 ; Govt. GM Higher Secondary School, Champhai - 43/55 ; Baptist Higher Secondary School, Lunglei - 44/55 a ni.