ZALEN October 15. 2025: LPG Gas phur te chuan June thla atanga vawiin thlengin rampumah eirawngbawlna gas a thleng tha lo a, a chhan chu NH 306 huam chhung Sairang leh Kawnpui inkar kawng a chhiat vang a ni an ti a, hunpui laiin Gas harsatna a thlen an hlau.

LPG Gas phurtute chuan Kawngpui hian that lam aiin chhiat lam a la pan chho zel a tun dinhmunąh LPG Truck-te hi ni 4, 5 te an la thang thin, kawngpui chhiat atang hian LPG Truck an thang rei a, chu chuan LPG Bottling Plant lamah LPG Truck indaih lohna a thlen thin, an ti. 

LPG Bottling Plant-in load pek duh mahse LPG Truck awmloh chang a awm thin, mipuiah Gas indaihlohna, harsatna a thleng chho mek a ni, an ti. 

Heng harsatna te hi thuneitute hnenah thlen a ni tawh chungin ngaihsak a hlawh loin hmasawnna a awmlo hle Hetiang renga an kal zel chuan hunpui lo thleng tur Krismas leh Kumthar-ah pawh Gas hnianghar a hmuh a beisei awm ta lo, an ti bawk.