ZALEN December 1, 2025: Aizawl Traffic Superintendent of Police C. Vanlalvena'n Press mite hmaa pawh a lo sawi tawh angin vawiin atang khan Aizawl khawpui chhung hmun hnih-ah vawiin khan No Tolerence Drive checking point hmun hnih-ah neih a ni a, dan bawhchhia an man te atangin cheng nuai khat chuang an dawng.

Aizawl Traffic Police hian vawiin khan Upper bazar leh Treasury Square, Aizawl Dak Inpui kawtah an duty post hi an siam a, mi 333 chu an document hrang hrang te endik sak an ni a, heng zinga mi 119 te chu document fel lo an ni.

Document fello mi 119 atang hian mi 29 te chuan a hmunah E-Challan an chawi tur ang an chawi nghal a, mi 91 te chu a hnulamah pe turin chhinchhiah an ni a, mi 29 ten a hmuna an sum chawi zat hi cheng 1,20,500 a tling a ni.