October 12, 2023; A fanu kumtlinglo hursualna lam hawi zawng a khawih thintu a puh kum 60 mi chu police ten an man. 

Champhai Cable Network (CCN) in Champhai Police Station atanga thu a dawn danin, Champhai khawpui chhung veng pakhata pa pakhat kum 60 mi chuan a nupui thih hnuah a fanu kum 11 mi chu kum 7 mi vel a nih lai, kum 2020 atang khan hursualna lam hawi zawng a khawih thin ah puh a ni a.

Hemi chungchangah hian Champhai District Child Welfare Committee Chairman chuan Champhai Police Station-ah FIR a thehlut a, Champhai Police-te chuan bawhzuiin pawikhawihtua puh hi an man a, POCSO Act tlawhchhana thubuai siamsak niin Lung inah khung nghal a ni.