Aizawl: Kumin Independence Day August 15, 2018 (Nilaini)-a lo thleng turah a lawmna pui ber, Aizawlah chuan parade contingent 28 an tel dawn. Independence day parade-a tel turte hi Armed contingent 7, Un-armed contigent 6 leh school 15 te an ni a, an ni bakah hian Band party 4- 1st Bn. MAP, 3rd Bn. MAP, Assam Rifles leh Govt. Mizo High School te an tel dawn a ni. Police hotute hnen atanga thudawn danin kumin Aizawla Independence Day lawmnaah hian state pawn atangin Tripura State Rifles an lo tel dawn a, Mizoram atangin Aizawl City Police platoon 1 pawh Tripura-a I-Day parade neiha tel turin an kal bawk. Kum 2/3 kalta vel atanga parade-a tel turte hrisel endik hna (medical check up) pawh kumin ah hian neih leh a ni a, Civil Hospital thawktute chuan naupangte hi an hriselna endikin school 15 a zirlai 645 an endikah mi 5 chu an fit tawk lo (unfit) nia hriain hnawl an ni.