DOWNLOAD OUR APP

Read latest news on your phone
app-store

I-League: Liansanga zarah Sudeva Delhi aiin Aizawl FC lian zawk

Mar 15, 2022

India football league sang ber pahnihna I-League-ah Aizawl FC leh Sudeva Delhi te inhmachhawnin table-a a mawng phaha awm mek Aizawl FC chuan minute 4-na lekah si an phur nghal a, theih tawp chhuaha an beih let hnuah hun pangai tawp hnuah Lalliansanga hmangin an si phurh an sut a, hun pek belh minute thumna hnuah Liansanga bawk hian goal thun lehin a team te chu point thum a hmuhpui.

 

Vawiin chawhma khan I-League-ah Aizawl FC leh Sudeva Delhi te inhmachhawnin table-a a mawng phaha awm mek Aizawl FC chuan minute 4-na lekah si an phur nghal a, theih tawp chhuaha an beih let hnuah hun pangai tawp hnuah Lalliansanga hmangin an si phurh an sut a, hun pek belh minute thumna hnuah Liansanga bawk hian goal thun lehin a team te chu point thum a hmuhpui. 

Kum 2016-17 champion Aizawl FC te hian season bul an tan chhe hle a, match li an khelh tawhah chak lo vekin table mawngphah an awm hman. Vawiin lama an hmachhawn Sudeva Delhi pawh hi an ropui lutuk bik lo. Churchill Brothers hnehin newcomer Rajasthan United hnehtawk puiin point li an nei a, table-ah pasarihna an ni. 

He inkhelhah hian Sudeva Delhi lam hian bul an tan fuh hle a, minute li-na lekah defender Nishchal Chandan chuan siam sakin Sairuat Kima chuan goal a khung a, si khat faiin hma an hruai. Kum 22 a upa chauh la niin senior level-a a goal vawi khat thunna a ni. Team pahnih te hian theih tawp chhuah mahse goal an thun chhunzawm thei lo. Minute 90 a rik hnu pawhin Aizawl FC ten si an la phur a, mahse an beidawng mai lo. Minute 90+1 ah Lalliansanga, Chhinga Veng FC lama khel thin rawn inlarin an si phurh a rawn sut a, minute 90+3 ah goal khat dang thun belh lehin ropui takin Aizawl FC chu hnehna nen an kir leh thei a ni. 

Mizo mipui te tan hlawh Aizawl FC hian match 5 khelhah point 3 hmuin table lamah 11-na an ni mek a, Sudeva Delhi te hi pakuannaah awmin khelh 5-ah point 4 an nei a ni. Aizawl FC te hian Pathianni lo awm tur hian Indian Arrows an hmachhawn dawn a, squade leh an theihna enin chak ngei tur a beisei an ni. 

Share now