I mobile phone kha eng tin nge i ken thin le? I mobile phone chelh thin dan atang khan i mizia leh hawiher zau leh zau loh thlengin a lo hriat theih reng zu nia mawle! Milem atang hian i phone chelh thin dan kha lo chik ve chhin teh le. 

Kan personality hian tunge kan nih a lantir a, kan nun pum thununtu hi khawi atanga rawn chhuak nge tih te leh kan personality hi a inthlak thei reng em? Chu kan mizia chu kan nun pumin kan nun chhuahpui char char tawh dawn zawk em ni? 

Hun rei tak chhung mithiam ten zir chianna an neih hnua an thil hmuhchhuah dan chuan, kan personality-a thil thenkhat hi chu thlak danlam ve bawk thin mah ila, a chhungmu leh lairil ber chu thlak danglam theih a ni tawh lo va, kan nun pumah nghet takin a bet tlat tawh niin an sawi.    

Position 1-na hi i thlang a nih chuan:

Kut pakhat chauh a phone chelh hi phone ken dana nuam i tih ber dan a nih a, kutzungpui hmanga a screen i khawih vel thin a nih chuan mi engthawl ve thei tak, hlim thei tak leh mahni thusawi ring tawk tak mi i ni tihna. 

I nunah engpawh thleng se, sawi leh sel i ngah em em hran lo bawk ang. I nuna thil thleng apiang pawm thiam thei mai mi i ni a, mahni inringtawk tak i ni bawk ang. Chu i mizia chuan, i nun kawng chhuk-chho ah leh hma thar i lakna turah a pui nasa hle ang che.  

I thlen tum leh i nuam tih zawngah chuan i bawh chak ve thin hle bawkin a rinawm a, a tul nia i hriat thilah chuan risk pawh i la huai thei fu bawk ang.  

Thil pakhat leh chu, sumdawnna kawng zawha hlawhtling taka kal tuma duh i thlang a nih chuan hmangaihna zin kawngah erawh i hlawhtling lutuk lo mai thei thung.

Position 2-na hi i thlang a nih chuan:

Pahnihna ang hian, kut khing hniha phone chelh a, kut zungpui hmanga han hmeh kual vel nuam i ti ber thin a nih chuan, mifing ve pangai tak i ni tih a lantir a, rorel thiam leh thil thar ngaihtuah chhuah thiam tak i ni bawk ang. 

Mi hriat thiamna ngah leh mi caring ve thin tak i nih bakah midang hriattheihna finna thuruk i nei bawk tihna. 
I quality dang pakhat leh chu, in bumna thilah i fihlim bawk ang. Mahse, he thil hi chu nangma mimal fimkhur leh taimak kawngah thui tak a innghat ve thung. 

I mizia leh nungchang enin kawppui chungchangah khirh tak i ni lo bawk a, nangmah duhtu chu lawm taka pawm ve thei mai zel ang chi i ni tlat mai. Hmangaih zinkawngah i zei lutuk lo bawk ang a, i duh zawng tawnga i inngaih thung chuan i vir leh vut vut si ang. I duh zawngah chuan sum pawh i ren thiam lutuk lo maithei. 

Position 3-na hi i thlang a nih chuan:

Position pathumna ang a phone chelh thin i nih a, nuam i tih ber dan a nih chuan thil rel fel zung zung thiam mi i ni dawn a, i thil tawn a lian emaw a te pawh nise, midang hriatthiampui lem lohin thil ching fel thiam dan thuruk i nei ve tlat a nia. 

I tha tih zawngah chuan kalna ve thei tak niin hlawhtlin ngei tum mi i ni a, i innghahna thupui pawh 'survival of the fittest' tih lam daih a ni ang. Mi thiam ang chu thiam ve duhna rilru pu mi i ni maithei a, chutiang tur chuan zir turin i insiamrem zung zung thei bawk ang. 

Party leh hunpui (huau huau) lam nuam ti ve thei tak i ni a, zirna lamah chuan rin aiin i serious thei leh fu thung si. I mizia hi hmangaihna kawngah chuan mi hip lutuk chi a nih loh vangin, i duh zawng i tawng a nih chuan i zia i thup thiam ve deuh pawh a ngai chang a awm maithei. 

Position 4-na hi i thlang a nih chuan:

Palina anga kut khing khata phone chelh a, kut zungchal hman hi nuam i tih ber dan a nih chuan i ngaihtuahna leh i chezia velin midang a hipin midang mit i la ve thei fu maithei. 

Painter emaw thu ziaktu (author) lama i kal a nih chuan hlawhtlin theihna chance tha tak i nei bawk. Michak leh inringtawk ve tak ni mahla, i chakna siam thar tur leh in chawk harh thar turin mal tlat duh chang i ngahin a rinawm. 

Hmangaihna zinkawngah chuan i zak zum hle lawi ang a, midang hmachhawn kawngah pawh i kawppui chu hmatheh a hman mai pawh duh chang i ngah hle lawi ang. Mahse, chu chuan thian thar neih i duh lo tihna lam a kawk miah lo leh thung. I kawppuiin i thatna leh duhawmna lai a hmu fuh tawh a nih vaih chuan kal san mai che chu a harsat tawh viau maithei.