Aizawl: Mizoram IAS Association chuan Chief Election Commissioner hnenah lehkha thawnin Tripura a awm mek Bru-te chu Mizoram pawna vote thlaktir lo turin an ngen.   Zirtawpni kaltaa lehkha an thawnah Mizoram IAS Association chuan Mizo mipuite chuan Bru-te chu Mizoram chhunga an vote neihna polling station theuhah thlamuang taka vote an thlak an duh an ni tih an sawi a. Bru hruaikir chungchangah Mizoram sawrkar in theihtawp chhuahin an inhumhimna leh inbenbelna a ruahman chungin tumah kir duh an awm lo niin an sawi a. Bru mipuite chuan Mizoram ah kir an duh niin sawi mahse an hruaitu mi tlem te, hlawkna hmu thinten rorelna hran an ngiat vang maia kir phal lo an ni tih an tarlang bawk a. Tun hnaia Principal Secretary (Home) Lalnunmawia Chuaungo hmanhmawh taka sawn a ni chu mak an tih thu an tarlang bawk.