Aizawl: Elite IAS Academy, Delhi chuan NGO pakhat, Helping Hands te nena tangho in North East zirlai harsa te leh thiamthei bikte tan IAS coaching an kal theihna turin scholarship thar an siam. Zalen thudawn danin he coaching hi zirlai 226 te tana ruahman a ni a. Heng zirlai zinga 201 chu Elite IAS Academy, Guwahati Centre ah an kal ang a, a bak 25 te chu Delhi centre ah an kal dawn a ni. He scholarship dawng thei tur hi kum khata Rs nuai 6 aia tam la lut lo chhungkuaa mi an ni tur a ni a, zirlai te an result percentage tam dan azirin an scholarship dawn tur hi an tamin a tlem dawn a ni. Thudawn danin he coaching ah hian foundation course, general studies leh optional subject te chu UPSC Civil Service Exam kalphung mila zirtirna pek tura ruahman a ni. IAS coaching scholarship atan hian Rs nuai 130 ruahman a ni a, hei hi kum khat atan ni a thudawn a ni. He scholarship ngaihven duh tan hian Helping Hands te hi Facebook ah Helping HandsNE tiin an awm a, thil tul te chiang taka tarlan a nih thu Helping Hands atanga thu dawn a ni a. Application form hi April 27, 2017 thleng thehluh theih a ni ang a, a tuk ni 28 ah result an tichhuak nghal dawn a ni.