ZALEN August 28, 2026 : Vawiin khan ICFAI University Mizoram chuan zirlai lut thar mi 480 te pualin Dawrpui Multipurpose Hall-ah Fresher's Day an hmang.

He hun hi Minister B. Lalchhanzova chuan khuallian niin a hmanpui a, "Duhthlanna siam thiam pawimawhna" tih thupui hmangin, zirlaite fuihna thu a sawi, zirlaite tan zawhna leh chhanna hun hman nghal niin zirlaiten an hlawkpui hle.

Programme-ah hian Major Charles Chalrinmawia, Territorial Youth Secretary (TYS) chuan kalkhawm te Pathian hnena hlanna hun a hmang a. ICFAI University Mizoram Vice Chancellor, Prof. Dr. Ginlianlal Buhril chuan kalkhawmte lawmna thu a sawi.

Zirlai lut thar mi 480 te puala programme buatsaihah hian Student Representative-te aiawhin president kal chhuak Rosangzuala chuan thu a sawi a. ICFAI University Registrar Dr. David Lawmzuala'n lawmthu sawiin hun a khar a ni.