ZALEN August 29, 2025 : ICFAI University Mizoram te chuan vawiin khan Freshers' Social Vanapa hall ah an hmang a, Sports Minister Lalnghinglova Hmar chuan a hmanpui.

Sports Minister chuan University tih chhangtlunna turin hma an la ho dawn nia a ti a, naupang te lehkha tha taka zir turin a fuih a, lehkha zir mawl tawp lovin, thiamna tak tak skills nei thei tura zir turin a ti a, incheina uar lo ngam turin a fuih a, ruihhlo laka fihlim turin a chah a, An zirlai ah theih tawp chhuah turin a fuih bawk a ni.

ICFAI University Vice Chancellor Prof. Ginlianlal Buhril chuan inlawmna thu sawiin, ICFAI University cultural club ten hnam lam an entir a. Evangelical Choir te zaiin, zirlai Hruaitu (Students Representatives) hluite chawimawina hun hman a ni. Zirlai atang leh sawm bik te atangin thusawi ngaihthlak a ni. 

Chawhnu lamah zai leh lamin tunlaia zaithiam lar J. Lalrosanga leh Siampuii Ralte bakah zaithiam ten zaiin hun an hmang bawk.