ZALEN September 14, 2025: Department of Health Research, Ministry of Health & Family Welfare-in a buatsaih, Viral Reseach & Diagnostic Laboratory (VRDL) VRDL Conclave 2025, New Delhi-a Zirtawpnia neih zawh takah Mizoramin VRDL a neih chhun, VRDL, ZMC&H chu Best Practices VRDL leh Award of Excellence lawmman hlan a ni. 

Indian Council of Medical Research (ICMR) bul tum a VRDL tha thlanchhuah zingah VRDL, ZMC chu silver category-ah India ram pumah pangana a hauh pha a. He lawmman hi New Delhi-ah Union Health & Family Welfare Minister Anupriya Patel chuan a hlan a ni.

Tunah hian India-ah VRDL 164 a awm a, VRDL, ZMC&H hi 2021-ah din a ni a, tunah hian Dept of Microbiology ZMC&H-in a enkawl mek a ni.

Laboratory hi virus natna hmuh chhuah kawnga hmatheh ber niin, Covid, influenza, leh virus hrang hrang hmu chhuakin damlo tam tak inenkawlna kawngah a tanpui mek a ni.