American singer ropui Madonna chu bacterial infection vanga Intensive Care Unite (ICU) ah ni eng emaw zat a awm hnuin, ICU atang hian a chhuak a, in lamah enkawl zui a ni. A manager Guy Oseary chuan June 28, Ningani khan in lamah hawpui a nih thu sawiin, a dam chhoh zel an beisei tih a sawi.

'Queen of Pop' hi June 24, Inrinni khan a hriselna dinhmun hniam thut avangin Hospital panpui a ni a, ICU-ah dah luh nghal a ni. ICU-a a awm thu hi Nilaini khan puan a ni chauh thung. Kum 64 mi Madonna nat dan hi a serious viau nia sawi a ni a, hun eng emaw chen chu ICU-ah hian enkawl a ni nghe nghe. 

'Queen of Pop' an tih hial Madonna hian Juluy atang hian tour a tan dawn a, mahse a hriselna dinhmunin a zir tak loh avang hian a awm zel dan tur sawi lawk theih a ni ta lo. A single 'Holiday' kum 40-na denchhenin tour neih hi a tum a, a tum angin a awm thei dawn ta lo thung. 

Madonna hian July 15 khian Vancouver, Canada-ah tour hi tan a tum a, January 30-ah Mexico City-ah a kharna neih tumin ruahmanna a siam a ni - tour hi a nei leh thei kher ang em tih chu awhna awm mek a ni. 
The Weeknd, Debi Mazar, Julia Garner milar dang eng emaw zatin dam leh thuai turin duhsakna an hlan bawk.