May 16, 2023; Cyber Space-ah pawh nise hmeichhiate zahawmna palzutsak hi sualna lian tak a ni.

Aizawla cheng hmeichhe pakhat hnen atangin, Instagram account pakhat, Ebenezer Fanai inti chuan video bawlhhlawh tak tak a thawn bakah tawngkam mawihnailo hurherh tak taka a biak Thin thu complaint dawn a ni a. 

Hetianga a zar buai fo hnuah, a nihna hriat a nih theihna'n hmeichhia hian WhatsApp video call na tur number dilin he pa hian a pe nghe nghe a ni.

Cyber Crime PS ( CCPS) case u/s 292 (2) (a)/500/507 IPC r/w 67 IT Act 2000 r/w 3 Indecent Representation of Women Act, 1986 ziah luh a niin, chhui chhunzawm a ni a. 

A phone number CDR analysis leh IMEI hmang tea chhui chhuah a harsat avangin kan hnu chhui thiamte'n a social media information atangte a chhuizui zelin, Ebenezer Z Fanai hi Khatla, Aizawl-a Private Security firm pakhatah a thawk ṭhin tih leh a nihna dik tak chu Vanlalhmingchhuanga (24), Lungtian-II, Lawngtlai District a ni tih an chhui chhuak ta a ni.

Cyber Crime PS te hian Local Police te puihnain a mawhphurtu hi Lungtianah an va man a, Aizawlah hruai pheiin uluk taka thuzawhfiah niin thil tih pawh hi a inpuang tawh a, Judicial Custody-ah a awm mek a ni.

Hetiang thil ang Cyber Crime tuartu i nih chuan Cyber Helpline Number 1930 ah biain emaw, www.cybercrime.gov.in ah ziakin complaint i thehlut thei reng a ni.