Electric Sport Bike
Cyborg GT 120 tlangzarh
Ignitron Motorcorp chuan an electric sport bike chhuanvawr Cyborg GT 120 chu India ramah an tlangzarh a, mipui ngaihven a hlawh hle. 
Cyborg GT 120 hi darkar khatah kilometre 125 a chakin a tlan thei a, LED display niin, rawng chi hnih - Black leh Purple te thlan tur a awm a ni. Bob-e leh Yoda te ang lo takin a battery a thlak theih loh thung a, hei hi a len zawng leh a rih zawng a inan  loh vang a ni. A battery hi rintlak viau tura ngaih niin, kum nga chhung warranty an pe. 
Cyborg GT 120 hi second 2.5 chhung lekin 0-40 kmph in a tlan thei a, chak taka tlan turin hun a mamawh rei lo hle tihna a ni. 
Electric hmang a nih avangin changre ve fo a ngai a, charge full turin darkar nga a ngai a, chu chuan km 180 a thui a tlan thei. 
Cyborg GT 120 hi booking hawn a la ni lo a, February thla atangin lei theia chhawpchhuah a ni ang. A man tur pawh puanzar a la ni lo.