iHeartRadio Music Award 2023 sem zawh takah Taylor Swift chuan award paruk zet a humhaw a, mimala langsar ber a ni. Hetih lai hian BTS chuan Best Music Video an dawng a, an fan 'BTS Army' te chu Best Fan atan thlan an ni bawk. 
  
iHeartRadio Music Award hi Thawhlehni zing khan sem a ni a, milar thahnem tak an fuan khawm. BTS chuan 'Yet to Come' hmangin Best Music Video an dawng a, BTS Army te chu Best Fan atan thlan an ni. BTS hian iHeartRadio Music Award-ah hian a zawnin kum ruk lai chu award an dawng tawh a ni. 

Rinlawk ang ngeiin Taylor Swift chu mimala langsar ber a ni leh a, award ngaihhlut Song of The Year a la bawk. Hei bakah hian pop culture tana a hnathawh that avangin Innovator Award hlan a ni bawk. Hetih lai hian award ngaihhlut ber tih ngam Artist of The Year chu Harry Styles hnenah hlan a ni.