Aizawl: Nimin khan Indian Medical Association, Mizoram State Branch chuan MCI tihbo tumna duh loh entirnan Aizawl atanga Falkawn thleng cycle rally an nei. Rally hi JL Cinema hall bul atangin Dr.B.Thangdailova chuan a vailiam a, rally neih tawpna Falkawn ah hian hun hman a ni. Rally-in a tum ber chu India ram mipuite zirtir leh kaihharh a, an mawhphurhna hriattir te, Sawrkar laipuiin doctor-te kaihruaitu tur Medical Council of India (MCI) tihbo a tum duhloh vang te leh MCI thlaktu tur National Medical Commission pawi theihzia mi dang hriattir te a ni. Cycle rally hi vawiin (11.3.2018)-a neih tur a ni a; mahse, Pathianni a nih avangin Mizoramah chuan nimin khan rally hi neih a ni.