Aizawl: Sawrkar laipuiin National Medical Commission din a tum duh loh entir nan nimin khan Indian Medical Association (IMA) chuan India ram pumpuiah lungawi loh lantirna an nei a, an nawrhna hi zawmin IMA Mizoram Branch pawhin damdawiin OPD leh inentirna zawng zawng bakah private clinic pawh khar vek a ni. OPD leh inentirna khar a nih chhan sawifiahin IMA Mizoram State Branch chuan National Medical Commission (NMC)-2017 tihlawhtling tura sorkar hmalak zelna leh he dan Parliament a pharh tura duan chu duh lovin India Medical Association (IMA) National Hqrs. New Delhi ruahmannain July 28, 2018 (Inrinni) hian India ram pumah OPD leh inentirna zawng zawng sawrkar leh private huamin khar turin a rel a, hei hi anni pawhin an zawm ve tih an sawi. Medical Council of India, kum 1954-a din tawh tihbo tumnate, Private Medical College management quota seat lei theih a let thum aia sanga tihpun tumnate, NEET tling turin 40% atangin 50%-a tihsan turte, ayush doctor te’n thla 6 training laa medical practitioner puiltinga in-register theihte chu IMA chuan an dodal a ni.&&&&&