Aizawl; Kumin World Health Day pualin Indian Medical Association (IMA) & Mizoram Government Doctor's Association (MGDA) tangkawpte chuan ni 7 April khan Tuipangah Special Clinics an buatsaih a. Kumin World Health Day thupui atan hian "Mipui hrisel nan, Zoram dung leh vang fang chhuakin" tih hman a ni. IMA leh MGDA tangkawp Special Clinic buatsaih ah hian Damlo 1467 lai inentir in Endoscopy hmanga pumpui ensak mi 51 an awm a, Ultrasound khawla pum en sak 144, Laboratory test mi 64, Ha phawi 62, Ri hriatna/Audiology Test 18 leh ruh na chiu/IA injection mi 28 an awm bawk. IMA & MGDA hotute chuan Zoram mipui hrisel nan hmun kilkhawr dang dangah Special Clinics neih chhunzawm zel an tum thu sawiin,Special Clinic hlawhtling tak an neih theih nana tanpuite chungah an lawm tih an sawi bawk a. Tuipanga Special Clinic neih ah Doctor kalte hi Health Dept Director pension tawh Dr D.Baruah leh Dr N.Pallai ten an ho a ni.