Ni thum chama India tlawha lo zin Football legend David Beckham chuan lawm a hlawh hle a, a cham chhung hian Bollywood star leh cricket lama an hotu lawk ten an lo dawng sang tha hle. Beckham hi Bollywood superstar Shah Rukh Khan chuan zanriah a buatsaih sak a, Zirtawpni khan India chhuahsanin an ram England-ah a kir leh tawh a ni. 

David Beckham hi UNICEF Goodwill Ambassador a ni a, tun tuma a lo kal chhan ber erawh ICC Cricket World Cup a ni. India leh New Zealand ten semi-final match pawimawh tak an khelh kha a hmunah a en a, boruak a siam hle. 

A cham chhung hian mi pawimawh tak takin an lo dawng sawng a, Mizo tlangval rit chawi chak Jeremy Lalrinnunga nen pawh hmaichhan ngeiah an inhmu a ni. Mukesh leh Nita Ambani ten an chenna inah chaw hlui an kilpui a, Sonam Kapoor leh a pasal Anand Ahuja te pawhin zanriah an kilpui bawk. 

Anni bakah hian - Anil Kapoor, Karisma Kapoor, Shahid Kapoor, Arjun Kapoor leh midang thahnem takin an lo dawng sawng a ni.