British singer Ed Sheeran chu a vawi thum nan India-ah a lo kal dawn. Kum 32 mi hian 'The Mathematics Asia Tour' neiin Asia khawmualpui a fang dawn a, Mumbai khawpuiah a concert dawn a ni. 

Ed Sheeran hi India-ah tum hnih a lo kal tawh a, a vawi thum nan March 16, 2024 khian a rawn kal leh dawn a ni. 'Perfect' singer hian India a lo kal tumin Mumbai a la tlawh ziah a, tum tumah pawh hian Mumbai khawpuiah ngei The Mathematics Asia Tour hmawr bawkna hi a nei dawn a ni - Mahalaxmi Racecourse-ah concert a nei ang. 

Kum 2015 khan a vawi khat nan India-ah a lo kal a, kum 2017 khan a rawn zai tawh bawk. Khawvel huapa band leh artist tha ber ber ten India an rawn pan ve ta fo a, The Strokes, Jackson Wang leh The Backstreet Boys te bakah, Irish pop group lar Westlife te pawh November thla hian an rawn concert dawn a ni.