American rapper G-Eazy chu a vawi khat nan India-ah a lo kal dawn a, February thla hian a rawn concert dawn a ni. 

Kum 34 mi G-Eazy hi February 10 khian Bengaluru-ah a concert dawn a, hemi hnu hian New Delhi leh Mumbai-ahte a concert zui leh ang. A concert-ah hian India rama hip-hop artist tha tak tak an perform dawn a, boruak an nei lian viau dawn a ni. 

G-Eazy hi a hming tak chu Gerald Earl Gillum a ni a, May 24, 1989 khan Oakland, California-ah a piang. Rap lamah sulhnu tha tak neiin, Me, Myself & I, Good Life, I mean it, Him & I leh No Limit te chu a hla lar zinga mi an ni. 

Rimawi khawvela hriat hlawh ber ber - Lil Wayne, Halsey, Demi Lovato, A$AP Rocky, Bebe Rexha, Britney Spears, Dillon Francis, Post Malone leh Cardi B te pawh a lo thawhpui tawh - dah hniam chi rual a ni lo.