India coach hna diltu zingah MPL-a Aizawl champion-puitu
![](https://zalen.s3.ap-south-1.amazonaws.com/images/news/1720609783_EiIoYhNVgAAgSk5.jpg)
Mizoram Premier League 8 (2019-2020)-a Aizawl FC champion-puitu, Stanley Rozario chu India national team coach a ni mai thei a, diltu tam tak zingah telin tun thla tawpah tihfel a ni dawn.
Indian player hlui, Rozario-a hi Aizawl hian January, 2019 khan an la lut a. 2018–19 I-League season-ah hian pasarihna a nihpui.
Tual chhunga inelna, MPL-ah erawh a team enkawl hi final-ah Electric Veng FC laka hnehna chanpuiin nomawi an la ve thung a. Aizawla kum khat a awm hnua a chhuak a, kum 2022 khan reilo te (thla nga chhung vel) a enkawl leh bawk.
Kum 64 mi, Stanley hian India-a club hlun tak tak - East Bengal, Salgaocar, Shillong Lajong, Mohun Bagan leh a dangte pawh a lo enkawl nual tawh a; national team-ah pawh assistant manager a lo ni tawh bawk.
Tunah hian All India Football Federation (AIFF) chuan thla hmasa tira Igor Stimac-a a bân hnuah a thlaktu tur hi a dap mek a, dil theih hun a hawn chhungin mi 291 zet dilna dawngin an zingah hian Aizawl coach hlui pawh hi a tel.
An zinga mi 100 chu Uefa Pro Licence nei an ni a, AFC Pro Licence nei 20 leh Conmebol licence nei pathum an awm a. Rozario hi AFC licence nei a ni.
Coach hna ruak dilna an dawnte hi AIFF executive committee chuan karleh Inrinni hian a en dawn a, hemi hma hian AIFF Vice President NA Haris-a kaihhruai technical, league, competitions, finance leh development committee chairman theuh leh treasurer telna committee-in an thlir hmasa ang.
AIFF hian September thlaa Fifa-in ram leh ram inkhelh hun a hawn huna kaihruai hman turin coach thar hi tun thla tawpa ruat fel hman a tum a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024