India rama fashion event lian leh ngaihven hlawh ber pakhat India Couture Week chu July 25, 2023 atang khan tan a ni a, August 2 thleng a awh dawn. He event-ah hian Mizo tlangval Rinzuala chu a inlan a, Mizo zingah he event-a model inlan thei hmasa ber nia hriat a ni. Rinzuala hi Mizo milar Pi Mali fapa a ni nghe nghe a, entertainment khawvelah a nu hnung a zui chho mek zel e. 

Rinzuala hi July 28 leh 29 khan a inlan a, India rama model hriat hlawh ber berte nen an catwalk ho a ni. Kum 19 mi Zarkawt tlangval hian modeling lamah hming a chher chho mek a, sawmna pawh a dawng nual tawh a ni. 

India Couture Week hi Taj Palace Hotel, New Delhi-ah neih a ni a, Fashion Design Council of India leh Hyundai Motor India tawngkawpin an buatsaih a ni. He huna inlan thei Mizo tlangval Rinzuala a kal leh zelna turah ZALEN chhungkua chuan duhsakna kan hlan e.