India chuan December 15, 2022 (Ningani) zan khan nuclear keng thei Agni V missile chu hlawhtling takin a en chhin. Agni V missile hi kilometre 5,000 kap phak a ni a, en chhin a nih zan pawh hian India ram hmun hrang hrang atangin entu an thahnem hle - Mizoramah pawh hmu mi eng emaw zat an awm. 
 
India-in Agni V nuclear-capable ballistic missile a en chhin chhan hi hriat ni lo mah se, tun hnaia China nena a inkar boruak a chhiat thar leh vag a ni mai thei. India leh China sipaite hi Tawang District, Arunachal Pradesh-ah tun hnai khan an intibuai a, thi leh hliam na tuk erawh an awm lo nia tarlan a ni. 

Agni V project hi nuclear lam tihchak nana kalpui a ni a, hemi atan sum ruahman sum pawh thahnem tak hman a ni tawh.