India chuan kum 1996 hnua a vawi khat nan Miss World thlanna a thleng ve leh dawn ta. Miss World 2023 hi December-ah neih a ni ang. 

Miss World thlanna hi tum 70 zet buatsaih a lo ni tawh a, ram hrang hrangah nghah kual thin a ni. Kumin hi a vawi 71-na tur a ni a, India chuan a vawi hnih nan a host ve leh dawn chiah bawk a ni. Miss World title kawl mektu chu Karolina Bielawska, Poland a ni. 

Miss World Organization chairperson Julia Morley chuan February 13 khan Miss World thlanna hi United Arab Emirates-ah nghah a nih tur thu a puang. Thla li a liam hnuah Miss World organization chuan thu thar an rawn nei leh a, India-ah ngah a nih tur thu official-in an rawn puang leh ta a ni. 

Kumin hian ram 92 tel tura beisei an ni a, Aruba, Australia, Bangladesh, Barbados, Belarus, British Virgin Islands, Croatia, Denmark, Ethiopia, Georgia, Greece, Guatemala, Guyana, Kazakhstan, Laos, Lebanon, Lesotho, Liberia, Montenegro, Morocco, Myanmar, New Zealand, Romania, Sierra Leone, South Sudan, Suriname, Thailand leh Zambia te pawh an rawn tel ve leh tawh dawn a ni.