ZALEN Jan 15, 2026: Mizo hnam hla leh Pipu zai-te a sak vanga hriat hlawh, KC Runremsangi chuan kumin Republic Day lawmna-a India President chenna Rashtrapati Bhavan, New Delhi ah ‘At Home’ reception (inlawmna) neihna turah tel tura sawmna a dawng. 

India Post kaltlangin Rashtrapati Bhavan atangin a bik taka chei leh buatsaih sawmnaah hian hmarchhak biala chengte, pi leh pute atanga an thil rochun, hlu leh mawi tak takte tarlana dah tel a ni a, India President Droupadi Murmu sawmna hi Aizawl Head Post Office thawktu ten KC Runremsangi hnenah Directorate of Art & Culture Pisa-ah an hlan a ni.

KC Runremsang hian kum 2023 khan civil mite chawimawina sang, Padma Shri pawh India president hnen atangin a lo dawng tawh.

#ZalenNews