India President-in Ngopa VC hnenah NDSPSVP lawmman pakhatna hlan
![](/storage/news/post/BOzZd0cHpwZG5CLOT4b25L2QMXvQGBUUsfYAzoFP.jpg)
Aizawl April 17, 2023 : India ram pum huap Gram Panchayat (Village Council) hna thawk thate inelna neih zawh takah Ngopa Village Council, Saitual District, Mizoram chuan Nanaji Deshmukh Sarvottam Panchayat Satat Vikas Puraskar (NDSPSVP) lawmman pakhatna an dawng a, India President Droupadi Murmu chuan lawmman hi vawiin Dt.17.04.2023 hian New Delhi ah a hlan a ni.
India ramah Gram Panchayat 255000 aia tam mah an awm a, chung zingah chuan Ngopa Village Council hian India ram pum huap lawmman pakhatna an dawng a ni. Lawmman hian thuziak mawi leh pawisa fai Rs.1,50,00,000/- (Cheng nuai za sawmnga) a keng a. Lawmman semna hmun hi Plenary Hall, Vigyan Bhawan, New Delhi ah niin lawmman semna Programme ah hian Central Sawrkarin an sawm angin LAD Minister K.Lalrinliana pawh a tel a ni.
Ngopa Village Council in lawmman an lak ‘Nanaji Deshmukh Sarvottam Panchayat Satat Vikas Puraskar’ hi Sustainable Development Goals 17 te tihthlawhtinna tura Localization of Sustainable Development Goals Theme (thupui) hrang hrang pakua (9) pumpuia ti tha lawmman a ni a. Localization of Sustainable Development Goals (LSDGs) Theme 9 te chu hengte hi an ni-
1. Poverty Free & Enhanced Livelihood
2. Healthy Panchayat
3. Child Friendly Panchayat
4. Water Sufficient Panchayat
5. Clean and Green Panchayat
6. Self Sufficient Infrastructure
7. Socially Secured Panchayat
8. Panchayat with Good Governance
9. Women Friendly Panchayat.
National Panchayat Awards lawmman semna programme Delhi a neihah hian K.Lalrinliana, Hon’ble Minister, Local Administration Department chuan Sustainable Development Goals chungchanga state sawrkar hmathlir (Vision 2030) leh chumi tihlawhtling tura hmalakna te sawiin Mizoram in lawmman a lak avangin sentral sawrkar hnenah pawh lawmthu a sawi a ni.
Village Council te enkawltu ber (Nodal Department) ‘Local Administration Department’ chuan Ngopa Village Council ten India ram pum huapa Localization of Sustainable Development Goals Theme pakua (9) tihlawhtling tura hmala tha lawmman pakhatna an lak theih nana Rural Development Department leh line Department dangte nena thawhhona tha tak an neih avangin lawmawm a tih thu a sawi.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024