Aizawl October 6, 2023 : Delhi chu India khawpui te zingah kum khat kalta chhung, October 1, 2022, - September 30, 2023 a air polution nasartna ber a ni a, hetihlai hian Mizoram khawpui Aizawl chu boruak thianghlimna ber a ni thung.

Respirer Living Sciences te report atanga a lan danin Delhi dawtah hian Patna khawpui a awm a, Muzaffarpur, Faridabad, Noida, Ghaziabad, Meerut, Nalbari, Asansol leh Gwalior ten an dawt. Delhi boruak hi a bawlhhlawh chho viau a, India's most polluted city a nihna pawh a chelh chhunzawm zel.

Central Pollution Control Board chuan 'good' a tih chin chu PM2.5 level-a 30 microgram per cubic metre a ni a, hetihlai hian Delhi hi 100.1 microgram per cubic metre a ni. World Health Organisation (WHO) chuan him china a ngaih chu PM2.5 level-a 5 micrograms per cubic metre a ni thung.

Aizawl chu India rama khawpui te zinga boruak thianghlim ber a ni a, a PM2.5 level hi 11 micrograms per cubic meter a ni a, Aizawl hi Chikkamagaluru, Karnataka ; Mandikhera, Haryana leh Karnataka-a Chamarajanagar, Madikeri, Vijayapura, Raichur, Shivamogga, Gadag leh Mysuru khawpui ten an dawt a ni.