November 23, 2023; November ni 18 -19, 2023 khan, All India Prayer Fellowship, Chhatarpur, Delhi-ah India Ram Khawpui KTP Meet Vawikhatna neih a ni.

He meet-ah hian India ram khawpui hrang hranga KTP Branch pariat - Bangalore Branch, Delhi Branch, Goa Branch, Hyderabad Branch, Kolkata Branch, Mumbai Branch, Pune Branch leh West Delhi Branch-te an tel a.

Meet thupui 'Kohhran Pathian Khawpui' tih chu Rev. Dr. K. Lallawmzuala, Executive Seceretary i/c KTP in a sawi a, Central KTP atangin Upa Lalmuanpuia, GS; Upa F. Zoherliana F/S leh Tv. Malsawmdawngliana, C/M te an kal a.

Mizoram Synod Choir te Choir Director Tv. Vanromawia hovin an tel bawk.

Ni 18 zan dar 6:00 ah Inlawmna leh Report inkhawm neih a ni a, Pathianni zing dar 7:00 ah Tawngtai Inkhawm neih niin, Pathianni chawhma dar 11:00-ah te, chawhnu dar 2:30 leh tlai dar 5:30-ah te Pathian Biak Inkhawm neih a ni a, zan dar 8:30-ah Fellowship neih a ni bawk.

India Ram Khawpui KTP Meet hmasa ber hi Delhi Mizo Presbyterian Kohhran-in a thleng a ni.