India ram khawpui zingah Aizawl boruak a thianghlim ber

ZALEN November 25, 2024 : Central Pollution Control Board (CPCB)-in November 2024-a Air Quality Index (AQI) a India ram khawpui boruak thianghlimna te a thlangchhuak a, Delhi leh India hmarlam khawpui te boruak chhiat zia sawi a nih laiin heng an thlanchhuah khawpui 10-ah te chuan boruak a la thianghlim thawkhat an ti a, Aizawl chu boruak thianghlimna ber a ni.

CPCB len November 2024-a Air Quality Index an lak atanga a lan danin Delhi AQI chu 379 an nih laiin tuna khawpui boruak thianghlim an thlanchhuah te hi chu AQI 50 hnuailam vek an ni a,

Hunpui hman chho mek a nih lai thlaksik chhovah hian India hmarlam khawpui te boruak hi a thianghlim tawk lo hle a, an AQI-ah chuan 'severe' leh 'very poor' te an ni hlawm.

Khawpui tam tak ten harsatna an tawh lai hian India hmarchhaka khawpui Aizawl leh Shillong te chu tlangram an nihna piah lamah an ram hring dup te chuan a chhan a, boruak chhia tithianghlim kawngah a pui tha hle-ah ngaih a ni.

November 22, 2024, tlai dar 4-a Central Pollution Control Board (CPCB) ten India’s top 10 cleanest cities an tihchhuah-a AQI hniam te chu :

Rank City State Status AQI Prominent Pollutant

1. Aizawl Mizoram Good 27 PM10

2. Tirunelveli Tamil Nadu Good 30 PM10

3. Madikeri Karnataka Good 35 PM2.5

5. Kannur Kerala Good 36 PM10

6. Shillong Meghalaya Good 37 O3

7. Nagaon Assam Good 37 CO

8. Vijayapura Karnataka Good 37 PM2.5

9. Bagalkot Karnataka Good 43 PM10

10. Thrissur Kerala Good 44 PM10

10. Mangalore Karnataka Good 44 PM10