Aizawl; Mizoram chu boruak tha siam leh hmanral kawngah a titha hle a, India ramah pahnihna dinhmun a hauh a, Arunachal Pradesh chu 1-na a ni. Indian Institute of Science, Bangalore ten tunhnaia an zirchianna ah Mizoram in boruak tha a siamchhuah tam lam chu 1.9% a ni a, Arunachal Pradesh chuan 7% a siamchhuak a ni. CCF?Lalthangliana Murraychuan boruak tha siamchhuah kawngah Arunachal Pradesh chu Mizoram tan tluk ngaihna a awmlo tih sawiin, "Arunachal ah chuan mihring leh motor an la tlem bakah a ram a zau a, mihring thlen phakloh ramngaw thahnem tak an la nei a ni", a ti. Thudawn danin Mizoram ah hian ram hring 88% a awm a, ram hring zinga 18% chauh hi ramngaw nia chhut a ni. CCF chuan kawng kama thingphun nungsa chu mi thenkhat ten perek te khenglutin diesel hmang ten an tihlum a, ran kai ten an tichhiat thin thu Zalen a hrih a. Vantlang hmuna thingphun nun thatloh chhan pawh uluk tawkloh vang nia a hriat thu sawiin Forests Department chuan venpui turin mipuite a ngen tih a sawi bawk a ni. Teh dan Indian Institute of Science, Bangalore in an tehdan chuan ram ngaw in boruak tha a pekchhuah leh motor, industry etc. ten boruak chhia a pekchhuah kha an chhut kawp a, boruak chhia pekchhuah aia boruak tha siamchhuah kawngah Mizoram chu a thawhhlawk zawk a ni.