ZALEN October 7, 2025: Health & Family Welfare department hnuaia National Vector Borne Disease Control Programme (NVBDCP) buatsaih, ni thum awh tur, ‘3 Day Regional Review Meeting on Malaria Elimination for GFATM Project States’ chu vawiin khan Assembly Annex Building Conference Hall-ah Health Minister Lalrinpuii'n a hawng.

Hawnna inkhawma tarlan a nih danin, tun dinhmunah Mizoram chu India rama malaria tamna ber state ni mekin, District pali - Lunglei, Lawngtlai, Mamit leh Siaha-te chu malaria tamna district an ni a. T7unah hian category 3 - High Endemic an la ni.

Kumin January – September thla chhung khan Mizoramah malaria vei mi 7,321 hmuhchhuah niin, malaria avanga nunna chan mi paruk an awm bawk. Kum 2024 January – December chhungin malaria natna hmuhchhuah zawng zawng mi 16,899 niin, nunna chan mi pasarih an awm bawk.