ZALEN Aug. 30, 2024; North Khawlek-ah India rama Ngiau thing lian ber a ding thin a, a tluk hnu-ah tha taka vawn that niin, khualzin ten an hlut thin hle.

North Khawlek atanga ZALEN thudawn danin, an khua a Ngiau ding thin hi a tluk thlengin kum 286 vela upa a ni a, hei hi Forest department lamin an zirchianna atanga an chhut dan a ni.

Ngiau hi a din laiin North Khawlek YMA leh Forest department lamin an humhalh a, leimin vanga a tluk hnu-ah pawh mumal taka zai bun niin vawn that zui zel a ni.

North Khawlek YMA hmalakna-in Ngiau zai bun hi in sain an vawng tha zui a, khualzinte pawhin an hlut thin hle.

Ngiau hi leimin vanga a tluk hnu-ah kum 2016, November ni 13 ah hnuh chhuah a ni a, Forest department leh North Khawlek khawtlangin hnatlangin Ngiau hi an hnuk chhuak a ni.

Thudawn danin, he Ngiau hi Ngiau bikah chuan India ramah chuan a lian ber tih pawm a ni a, thing dangah chuan a aia lian a awm thung.

N. Khawlek hi Aizawl district, hmar tlangdung lama awm a ni.

Note : Thlalakah Ngiau len zawngte ziah lan a ni.