Aizawl: Bible Society of India, Aizawl Auxiliary chuan kum kalta 2017-2018 a an target chu nuai 90 in an khum a, India rama Auxiliary awm zingah a sang ber a ni. BSI Aizawl Auxiliary hian kum kalta 2017-2018 a an target chu Rs. 2,90,12,000 a nih laiin Rs. 3,80,47,667 an hmu a, target hi Rs. 90,35,667 in an khum a ni. Bible Society of India hian nikum April atanga hman tan turin rate thar a siam a, rate thar punna hi a san em avangin BSI thawktute chuan an target hi hmuh phakloh mai an hlau hle a, mahse kum danga mipui ten an pek tam ber ni thin ‘Life member’ ang chi kha pe tlemin ‘Gospel a day’ leh ‘Bible a month’ lamah te mipui an thilphal avangin an target hi an khum thei niin Bible Society of India, Aizawl Auxiliary thawktute chuan Zalen an hrilh.