ZALEN November 3, 2025: India rama thalaite inelna ngaihhlut hlawh Prajatantra National Youth Festival 2025, November 1&2-a Mumbai-a neihah Mizoram atangin Pachhunga University College (PUC) leh Govt. Hrangbana College te an tel a lawmman pathum an rawn hawn.

Grace Lalrinpari Hauzel, BA History 5th Semester PUC chu Field Engagement (Overall)-ah 1-na a ni a, Mayor's Speech ah lawmman 2-na a dawng bawk.

CR Lalromawia, BA Economics 5th Semester , PUC pawh Policy on Municipal Finance-ah 3-na a ni.

Romawizuala, HBC pawhin Op-Ed Writing-ah lawmman pakhatna a la bawk.

Prajatantra National Youth Festival hi India rama college leh university hrang hrangte urban governance chungchanga inelna a ni a. He inelnaah hian participants 3000 chuang an tel a ni.