India chuan kum 28 hnuah Miss World a thleng ve leh dawn ta a, a hun tur pawh tihchian a ni ta. Miss World 2023 thlanna hi February 18 atangin tan a ni dawn a, March 9, 2024-ah Grand Finale neih a ni ang. 

India hian kum 1996 khan Miss World thlanna hi a lo thleng tawh a, Bengaluru leh Karnataka-ahte nghah a ni. Kuminah hian hmun hrangah neih a ni dawn a, chung zingah chuan Bharat Mandapam, New Delhi leh Jio World Convention Centre, Mumbai te pawh a tel. A hawnna neih zawh a nih hnuah February 20-ah India Tourism Development Corporation (ITDC) bultumin Hotel Ashok, New Delhi-ah 'India Welcomes the World Gala' buatsaih a ni ang. Intihsiakna hrang hrang neih a nih hnuah 71st Miss World grand finale hi March 9-ah Jio World Convention Centre-ah neih a ni ang. 

Miss World Organization chuan thuchhuah siamin, EndemolShine India chu producer atan thlan an nih thu an puang a, khawvel hmun hrang hrangah en theih tura pekchhuah a nih tur thu an sawi. Miss World Organization-a an chairman leh CEO ni bawk ni bawk Julia Evelyn Morley chuan, "Miss World thlanana India-ah a kir leh tur hi a phurawm tawh tak zet a, ram 120 winner te he huna tel tur hian sawm an ni. India-ah show ropui kan pholang dawn a, khawvel hmuah India kan pholang dawn bawk a ni," tiin a sawi. 

India hi Miss World thlanaah a mikhual lo hle a, mi paruk laiin Miss World title an lo la tawh a ni. Chung zingah chuan - Aishwarya Rai, Priyanka Chopra leh Manushi Chillar te pawh an tel.Kuminah hian Femina Miss India World 2022 winner Sini Shetty chuan India aia awh dawn a ni. 

Intihsiak an neihna hmun tur te : 

• World Top Designer Award & Miss World Top Model - Mumbai

• Miss World Sport Challenge - New Delhi

• Miss World Talent Final - Mumbai

• Multi Media Challenge - Mumbai

• Head To Head Challenge Final - New Delhi 

• Continental Beauty With A Purpose Challenge - New Delhi 

• Miss World Red Carpet Special - Mumbai

• 71st Miss World Grand Finale - Mumbai