ZALEN March 16, 2026: Chief minister Lalduhoma'n Lengpui Airport chungchangah Indian Air Force (IAF) nen an indawr zui tawh lo tih house a hrilh.

Vawiin assembly budget session zawhna leh chhanna hunah he thu hi sawiin chief minister chuan, Lengpui Airport chungchangah IAF lam offer a tha a, Airport Authority of India (AAI) lam erawh an offer a chhiat thu a sawi. "NGO leh political party lamin AAI hnena hlan zawk an tih avangin IAF te nen kan indawr zui tawh lo. Airport chungchangah IAF nen kan inkarah thu engmah a awm tawh lo," a ti bawk.

Chief minister sawi danin, tunah hian Lengpui Airport a building te hlutna chhut mek a ni a, chumi hlutna chu AAI ten Mizoram sawrkarah an pe ang.

"AAI nen char char kan indawr zui a, an phur lo a, pe mah ila an outsource leh dawn tih kan hria, chuvang chuan, midang hnena in pe leh dawn a nih chuan Mizoram sawrkar phalna a ngai ang tih kan telh a, chu chu an duh tlat lo. Tunah hian kan final thei dawn hnai tawh ah kan ngai," chief minister chuan a ti.

#ZalenNews