ZALEN August 3, 2026 : Directorate of Hospital & Medical Education auditorium-ah vawiin khan taksa peng a thlawna pek pawimawhna inzirtirna hun leh 16th Indian Organ Donation Day hman a ni. He huna tel docor te chuan Aizawl-ah thin thlakna a taka kalpui thuai tum a nih thu an sawi.

State Organ & Tissue Transplant Organisation (SOTTO) Mizoram buatsaihah hun hmannaah hian Doctor thiamte chuan kal, thin, lung leh taksa dang midangte tana pek (doner) kawngah India ram chu a hnufual hle tih sawiin hei vang hian mi tam tak an boral tih an sawi a. Midangte tana taksa pek chu taksa hmelhemna a ni lo tih sawiin kan thih hnua kan taksa midangte tana kan pekin mi 8 in damna an chan phah thei tih an sawi bawk. Doctor te chuan Civil Hospital, Aizawl-ah kal thlakna (liver transplant) chu a taka kalpui theih thuai an tum tih an sawi bawk.

Indian Organ Donation Day a khuallian H&FW Principal Director Dr. Lalthlengliani chuan midang ten nun an neih theihnan taksa peng midang tana pek chu a pawimawh a, hemi atan hian tanrual a pawimawh tih a sawi.

Kumin Indian Organ Donation Day thupui atan hian 'Nunna chhan nana taksa peng pek beihpui thlak' tih chu hman a ni.