Zote Entertainment film thar tur Thaibawih (Hmeichhe Lu chu Mipa) chu Mizo zinga Indian Sign  Language film hmasa ber tur a ni dawn a, inbuatsaihna an kalpui chho mek. Mizo ten Sign Language interpreter kan neih zinga mi Rody Lalthazuali chuan a changtu turte trainning a pe chho mek zel a, an puitlin thei a nih chuan Mizo Film Industry-in bung thar a kai dawn a ni. 

Thaibawih (Hmeichhe Lu chu Mipa) film-ah hian a changtunu fanu chu tawngthei lo a ni dawn a, hemi atan hian Sign Language hi an hmang dawn a ni. Shooting hi June thla atanga tan tur hian ruahman niin, film Audio zawng zawng pawh 360 surround sound-a siam tum a ni bawk.

Zote Entertainment 
Zote Entertainment hian film eng emaw zat an tichhuak tawh a, Duhaisam, Nutei Thingpui Dawr, Ka U Liana leh Amawii te chu a lar zual an ni. Heng bakah hian sulhnu eng emaw zat an hnutchhiah tawh a, an kutchuak ten belhchian a dawl viau zel bawk. 
Thaibawih chu...

Mizo Society-ah chuan 'Thaibawih' tih tawngkam hi a mikhual lo khawp mai a, a awmzia pawh sawi nawn a ngai awm lo e. Film-ah hian engtiang chiahin nge an rawn tarlan dawn hriat a chakawm tawh khawp mai a, hei tak hi en tichakawmtu pawh a ni. 
A changtu lam

Zote Entertainment film siam thar leh turah hian zaithiam Francis Lallawmkima a inlan dawn a, Ruthy Chenkual nen an changdun dawn. Francis-a hi rimawi lamah chuan tawn hriat ngah tawh tak a ni a, lemchan khawvelah erawh mi thar a ni. 
Ruthy Chenkual hi chu mipa te star rawn a ni a, tunge a nih sawi duah a ngai lo - tawnhriat pawh a ngah tawh hle. Zote Entertainment te nen an thawhhona a tha a, an film siam hrang hrangah pawh a inlan zing ta hle. 

A hmel a thain film a chang thiam bawk a, tunah chuan Mizo film industry-a thawm nei lian berte zinga mi a ni der tawh. Thaibawih (Hmeichhe lu chu mipa) film-a a inlan leh tur pawh hi thu lawmawm tak a ni.