Bollywood star Deepika Padukone chuan Pathianni zan khan FIFA World Cup final-ah trophy a chawi chhuak a, hetiang dinhmun thleng thei hmasa ber hi a ni nghe nghe. Inkhel tan hmain Deepika Padukone leh Spanish goal keeper Iker Casillas te chuan trophy hi an chawi chhuak a, mipui thawm pawh a ring tha hle. 

FIFA World Cup 2022 final hi Lusail Stadium, Doha-ah khelh a ni a, stadium khat tlatin mipui an pungkhawm. Mipui hmaa trophy chawi chhuaktu nih hi thil namai lo tak a ni a, chung zinga India chhul chhuak Deepika Padukone a tel thei hi a lawmpui awm hle a ni. World Cup trophy hi rangkachak (gold) hmang siam a ni a, kum 1974 atang khan an hmang tan. Kg 6.175 a rit niin a man pawh hi $250,000 zet a ni a, khawvela infiamna lama trophy man to ber nia chhal a ni.

Trophy hi a hming hmasa ber chu 'Victory' a ni a, mahse a hnuah FIFA president hlui 'Jules Rimet' hming chawiin thlak a ni. Jules Rimet Trophy original hi 1983 khan rukbo a ni a, an hmu let tawh lo bwk! Kum 1974 khan a thar siam niin FIFA World Cup Trophy tia thlak a ni leh a, a siam nan hian gold ringawt pawh karat 18 zet an hmang a ni.