American action adventure film Indiana Jones chu a hmawr bawk a ni dawn ta - Disney chuan official-in thuchhuah an siam a, 'Indiana Jones And The Dial Of Destiny' chu an franchise tawpna tur a nih tawh thu an puang. 

'Indiana Jones' franchise hian ngaihhlut a hlawh hle a, tunah hian a tawpna ni tur chu an buaipui leh mek. Harrison Ford channa hi kum 1984 khan a vawi khat nan 'Indiana Jones and the Temple of Doom' title puin tihchhuah a ni a, a lar vet vet hle. A hlawhtlin em avang hian kum 1989 khan 'Indiana Jones and the Last Crusade' tihchhuah leh a ni a, hemi hnu hian a reh zui vang vang thung. Kum 20 zet an reh hnuah 2008 khan 'Indiana Jones and the Kingdom of the Crystal Skull' an tichhuak leh. 

A thar ber tur 'Indiana Jones and the Dial of Destiny' hi June thla hian tihchhuah hman beisei a ni a, a tawpna tur a nih tawh avangin a hlu zual ang. Director James Mangold pawhin Indiana Jones adventure film ngainatute hnenah lawmthu sawina a tichhuak ve tawh bawk.