Shakhtar Donetsk chuan an youth team coach chu Ukraine ram hum tura a pen chhuahna lamah hmelma laka a thih thu an puang. 
   

Russian president Vladimir Putin chuan kar hmasa Ningani khan a sipai te chu an ram thenawm run turin thupek a chhuah a, tunah pawh hian eastern Europe-ah chuan an la indona mek a, ram te zawk Ukraine infiammi tam takin an sipai te zawmin ral an do ve a ni.
   

"Kan hna thawk zinga pakhat chu kah hlum a ni, amah hian naupang coach a ni. Russian silai mu tawngin a nun chhan theih a ni ta lo," tiin Shakhtar CEO Serhyi Palkin chuan a sawi. He thil thlen hma ni hnih liam ta khan Ukrainian footballer pahnih Vitalii Sapylo leh Dmytro Martynenko chuan he buaina vang hian nunna an lo chan tawh bawk. 
   

Shakhtar hi Ukraine club hlawh tling ber pawl niin league title 13, Ukrainian Cup 13, Ukrainian Super Cup 9 leh UEFA Cup te an chawi tawh a ni. Indona vang hian Ukrainian Premier League chu chawlh lailawk mek a ni a, Shakhtar hi champion lai Dynamo Kyiv aia point hnih a sangin table hmahruaitu an ni mek a ni.