DOWNLOAD OUR APP

Read latest news on your phone
app-store

Indonesia football chhiatna thlengah mi paruk dan bawhchhia puhin thubuai an siamsak dawn

Oct 07, 2022

Indonesia police hotu chuan football stadium chim vanga mi 131 thihna avangin police officer leh organiser-te tiamin mi paruk chu criminal charge an hmachhawn thei niin a sawi. 

Indonesia police hotu chuan football stadium chim vanga mi 131 thihna avangin police officer leh organiser-te tiamin mi paruk chu criminal charge an hmachhawn thei niin a sawi. 

Thiam loh an chang a nih chuan thihna thlen thei thil ngaihthah thubuai siamsak an ni ang a, he thubuai hi kum nga thleng lung in tan theihna a ni. 

He chhiatna hi kar hmasaa thleng kha a ni a, inkhelhnaa chak zo lo fans mual chhunga tlan lut te hnawh darh an tumna lamah police-te'n mittui tlakna gas an kap chhuak a, mipui thawchham mangang tam tak innek buaiin mi za telin an thih phah a ni. 

He thil thleng hian mipui a thinrim hle a, thihna hi police lamin tear gas an hman vanga thlengah an ngai ber. He thil thlengna Malang-a tualchhung police hotu chu ban a ni a, officer dang 9-te pawh suspend an ni bawk.

Tuna thubuai siamsak mek zingah hian fans lama tear gas kap chhuaktu police officer pathum, Arema FC organizing committee hotu leh club security officer pakhat an tel.

Share now