Aizawl; Nimin tlai dar 2:30 vel khan Ramhlun North huam chhung Indoor Stadium sir kawng chhak lam lei/lung nasa takin a min a, cement concretre-a In sak lai mek a hnawl a, mihring thi leh hliam an awm lo a, Roluta Pachuau, Saitual Sumo chu a driver side lam leimin hian a deng chhia a ni. Leimin hian kawng chanve vel zet a hnawh avangin lirthei kal vel pawh a khaihlak a, PWD lamin JCB hmangin kawng chep zual lai an thianfai nghal a ni. Leiminna ko chhakah hian Engliana leh Huliana te In, concrete a la ding a, kawng chhak lam lei/lung hi a min leh a nih chuan heng In pahnihte pawh hi a hlauhthawnawm thei viau dawn niin thudawnna chuan a sawi. Leiminin In a hnawl hi Engliana te ram a ni a, In rel lai pawh hi anmahni ta nia hriat a ni bawk.