Infiammi tam tak zingah hian, mahni game thiam zawng theuhah lar leh hming thang fal bik hi an awm thin a. Chung mite chu mual chhung mai ni lo pawn lamah pawh an lar em em a, an kalna lam apiangah boruak an nei lianin mipui ngaihsan an hlawh thin. 

An larna leh hming thanna hmang hian pawisa pawh an lalut tam thin hle a, an inkhelh thiamna vanga pawisa an hlawh chhuah bakah an larna hmang hian  kawng hrang hrangin sum lak luh an nei nual thin. Tin, heng infiamna lama mi hmingtha te hi sumdawng te tan an thil siamchhuah fak lartu pawimawh leh tha ber ber an ni bawk a, heng atang hian an nin sum thahnem tak an lo lalut ve bawk. 

Midang siam chhuah fak lar sak chauh duh tawk lova, mahni puala sumdawnna kalpui pawh mi thahnem tak an awm a, chung mi hlawhtling leh sum lalut hnem ber ber sportperson 10 te chu kan han thai lang a nge. 

Tunlai infiammi zinga lar leh huhang ngah ber pakhat Cristiano Ronaldo hian a career-ah dollar billion 1.24 a lalut tawh a, chuti chungin 5-na a ni phak hram. Ani aia sum la lut hnem te chu tute nge ni ang le. Sportperson zingah billionaire 10 an awm tawh a, company lian tak tak CEO te aia hlawh tam zingah hian tennis khel thiam Roger Federer-a meuh pawhin 10-na a hauh phak hram. 

No 10. Roger Federer 
Grand Slam tum 20 champion tawh Swiss ace Federer hian $1.12 billion bawr vel zet sum a hlalut tawh a ni.

No 9. Michael Schumacher
German Formula One legend, vanduaithlak taka vur-a a tawlhna lama chetsual vanga ram tui lei lo Schumacher chu pakuanna niin $1.13 billion a hlawh chhuak. 

No 8. | Lionel Messi 
Kum 34 mi Argentinian footballer ropui FC Barcelona atanga Paris Saint-Germain lama khel ta Messi hian $1.14 billion bawr vel a lalut tawh a, football a khelh zel avangin a sum lakluh hi ala pung zelin a rinawm. 

No 7. LeBron James 
American professional basketball player hian $1.17 billion chuang a la lut tawh a ni. 

No 6. Floyd Mayweather 
    List-a boxer awmchhun kum 44 mi hian a career-ah $1.20 billion a la lut. 

No 5. Cristiano Ronaldo
Juventus atanga Manchester United zawmtu Portuguese national hi pangana niin a sum lakluh tawh hi $1.24 billion anga chhut a ni. La pung chho zel tura ngaih a ni. 

No 4. Jack Nicklaus 
American golfer hi tunah kum 81 mi a ni tawh a, a vanglaiin a hlawh leh endorsement atangin $1.38 billion a lalut hem mai. 

No 3. Arnold Palmer 
Pathumna hauhtu pawh hi American golfer Palmer niin kum 2016 khan a thi tawh nghe nghe. A vanglaia a sum lakluh zawng zawng hi $1.50 billion a tling a ni. 

No 2. Tiger Woods
Golfer hming thang nula lama buaina tawk ve zauh thin Tiger Woods hian $2.10 billion lalutin pahnihna a ni.

No 1. Michael Jordan
Basketball player ropui bera chhal ngam Jordan hi pakhatna niin $2.62 billion a lalut hem mai.